Na rosa rosa

Inserito da: · ottobre 18, 2014

Poesia

di

Achille Serrao

DSC_1635

Na rosa rosa

A Codroipo, alla sua lingua,
Ad Amedeo Giacomini e a Luigi Bressan
Po’ me parlate cu’ na lengua nova
e antica, na maglia ‘e lana p’’a staggione
malamènte e senza ‘e vuje che só …
‘Nfì a Padua chiove ‘ncasa a chiovere
‘nfì a Padua ‘e sciumme speretate schiantano
chiuppe e granate
uno addereto a ll’ato ‘e munacièlle
‘e Ddio …
E senza ‘e vuje che só, ‘ngrillato
‘a nu scunciérto ‘e terre
che ne sarrà ‘e sti mmane
ch’’a tantu tiempo astregno dint’ê mmane
p’artéteca, chi ‘o ssape, è na pacienza ca nun serve
cchiù…
Ma senza ‘e vuje só nniente e dicìteme no
nun è overo ca sulo fatte a vvino
dint’ô bicchiere s’acconcia ‘a vita
addó na rosa rosa sciuréva, ‘e figlie
(ma p’ê chiammà, p’ê ffa saglì, sapìsseve …)
e ‘a casa, pure ‘a casa lassa ‘o puorto
carriata ‘a nu lenzúlo ‘e viento…
Po’ ‘e ccanzone, chelle a fronna ‘e limone ‘e quann’èremo
verrille sona chitarra sona nc’è rummasa
na corda, si me parlate cu’ na lengua nova
e antica, na maglia ‘e lana p’’a staggione
malamènte e stu pparlà me sisca dint’ê rrecchie
cu ât” e is” ‘nnante a nu bicchiere
‘e vino
addò’ na rosa rosa sciuréva…

Questo articolo si trova in: ----- Achille Serrao, 00 In Rilievo

Aggiungi un commento