05 – Ippolito Cavalcanti – Regola Quatto – Piatte de Carne

Inserito da: · maggio 28, 2016

CUCINA CASARECCIA IN DIALETTO NAPOLETANO

Ippolito Cavalcanti  – Regola Quatto – Piatte de Carne

Di

Gianna De Filippis – Salvatore Argenziano

Porpette a lo tiano.  Piglia no ruotolo de’ na bella fella de coscia ne lieve tutte chelle nervicciolle e pellecchie e de tutte ste pellecchie ne farraje no stufato; chella porpa la pesarraje1 dint’a lo mortaro fina fina, po piglia na mollica de pane de na pagnotta, spognata co l’acqua, e nce la pise2, miezo quarto de frommaggio grattato, doj’ ova, sale pepe, e petrosino3 ntretato, mbruoglie buono ogne ncosa, e ne farraje tanta pallottole, ncioè, li porpette, e le farraje cocere dinto a chillo brodo. De la stessa manera putarraje fa li brasciole, mperò doppo che haje pesata la carne, nce mmiscarraje na mollica de pane spognata co l’acqua, e spremmuta, ne farraje tanta parte come se volisse fa li porpette, de ogne porzione ne farraje na pettolella4 ncoppa a lo bancone; po piglia no poco de nzogna sale, e pepe, petrosino, e majorana ntretata, e pe ogne pettolella nce farraje na lardiata, l’arravuoglie bone bone, e le faje cocere dinto a lo brodo russo, ch’avarraje fatto de tutte le pellecchie.

icona Piatte de Carne2

05 – Ippolito Cavalcanti – Regola Quatto – Piatte de Carne- vesuvioweb 2016

Questo articolo si trova in: 00 In Rilievo, Ippolito Cavalcanti

Discussione1 Comment

  1. mari ha detto:

    l’arravuoglie bone bone, e le faje cocere dinto a lo brodo russo, ch’avarraje fatto de tutte le pellecchie…………..jajaja nu’nne itta nient’eee…manco é pellechiee…bravooooo……..Siete uniciiii

Aggiungi un commento