260
Di
Nazario Napoli Bruno
Propio â mmità ’e chesta vita nosta
m’arritruvaje, tremmanno d’ ’a paura,
’int’a nu bbosco niro comm’ ’a ggnosta
e mme perdette ( ’a notte era assaje scura) …
A vv’ ’o ddicere, è ttanto ca mme costa
ca mpietto zompa ’o core adderettura.
È ttant’amaro, quase comm’ ’a morte!
Ma, pe ddicere ’o bbuono che vvedette,
ve ll’aggia cuntà a fforza chesta sorte.
Nun ’o ssaccio manch’ io comme trasette
ma ’o suonno era overo tantu forte
c’ ’a strata justa cchiù nun ’a facette …
