Posilicheata di Pompeo Sarnelli
Pompeo Sarnelli (1649-1724)
LA POSILECHEATA
A LI VERTOLUSE LEJETURE
È na pazzia marcia chella de ciert’uommene, che puro mostano d’avere jodizio, li quale se credeno de fare livre accossì agghiostate che nesciuno nce aggia a rapire vocca, e tutte, co na belledissima lleverenzia, l’aggiano a levare lo cappiello.
‘NTRODUZZIONE DE LA POSILECHEATA
E COMMITO D’AMMICE FATTO A POSILECO
Na longa vita senza na recreazione, a lo munno, è ghiusto comme a no luongo viaggio senza na taverna pe defrisco, senza n’alloggiamiento pe repuoso. Pe la quale cosa li stisse uommene d’azzò, e che camminano co lo chiummo e lo compasso, de quanno ‘n quanno fanno quarche ‘sciuta, quarche sferrata fore de lo cafuerchio, pe pegliare àjero e non fetire de ‘nchiuso e de peruto.
Pompeo Sarnelli – Posilicheata – vesuvioweb 2013