Ducezza

Poesia

di

Achille Serrao

Ducezza

Tiéneme a mmente ca te stó penzanno
e aparamélla st’aria, ducezza cimmarèlla
d’’e juorne mieje ‘a venì, chest’aria
‘ntussecata senza chiù palummèlle, senza na veglia d’aria…
E astipamille dint’ê mmane ‘ncroce
ddoje suspire ‘e vucchella arrubbacòre, a voce
tramènte ca nu miérulo te sonna
miérulo ‘e serenata
tramènte ca te canta doce ‘a nonna
‘mpont’â nuttata…