Giulio Cesare Cortese – Lo Cerriglio ‘ncantato – canto siesto

Giulio Cesare Cortese

Lo Cerriglio ‘ncantato

Poema Eroico

Canto siesto

Di Gianna De Filippis e Salvatore Argenziano

E po’ vervesïava zitto zitto                                                                   biascicava
Comme dicesse qualeche gran cosa.
Sarchia le disse: “E be’, che cosa haie ditto,
Ch’ogne mparola la dice annascosa?”                                               nascosta?”
E isso a Sarchia tenne mente fitto,                                                    guardò
Po’ disse: “De grammateca pelosa                                                     testo incomprensibile
Certe parole so’, ch’hanno vertute
De fà venì dociento tarramute”.                                                         terremoti.
5
Po’ chiammaie da lo Regno de Prutone                                            Plutone
De chillete na frotta, arrasso sia,                                                        sia lontano da noi,
Ch’appeno a ffà sorreire a Sarchiapone                                            spaventare
Quanno le bedde ’mmiezo a chella via:
Se chiavaie dinto de lo paviglione                                                      ficcò… tenda
E pe na senga po’ facea la spia,                                                           fessura
E ll’aute tutte se fuino cacate,
Che ll’uno a ll’auto s’appeno ammorbate.

Salvatore Argenziano e Gianna De Filippis – Lo Cerriglio ‘ncantato – Canto siesto – Di Giulio Cesare Cortese – vesuvioweb 2023