Chiuppo

Di

Giovanni D’Amiano

Ll’urdemo abbraccio
Senza raggione, n’ommo taglia e sfrasca
n’arbero ’e cient’anne, o, forze, ’e cchiú,
anne ’e speranza, friscura, ciú ciú,
c’aunnavano ogn’anno ô mese ’e Pasca.
Casa ’e réfole, nivo d’aucielle,
orchesta ’e cante e nnote ’e scelle e ffronne,
ggiosta addó vita e mmorte, sciorta e ssuonne,
se mbrogliano, facenno ll’angarella.

Chiuppo – Di Giovanni D’Amiano – vesuvioweb 2014