Lo Polece

TRATTENEMIENTO QUINTO DE LA IORNATA PRIMMA

Lo Cunto de li Cunti
di
Giambattista Basile

A cura di

Gianna De Filippis – Salvatore Argenziano

Risero a schiattariello lo prencepe e la schiava de la ’gnoranzia de
Vardiello, e laudaro lo iodizio de la mamma, che seppe antevedere e
remmediare a le bestialetate soie: ed, essendo sollecetata Popa a dicere,
comme tutte l’aute mesero le chiave a lo chiacchiarare, commenzaie essa a
dicere: “Sempre le resoluzione senza iodizio portano le ruine senza remmedio;
chi se coverna da pazzo da sapio se dole, comme soccesse a lo re d’Automonte
che, pe no spreposeto a quatto sole, fece na pazzia ’n cordoana, mettenno a
pericolo senza mesura la figlia e l’onore.

Salvaatore Argenziano – Lo Polece – vesuvioweb 2016