Petrosinella – Trattenimento primmo de la iornata seconda – Lo cunto de li cunti di Giambattista Basile

Petrosinella – Trattenimento primmo de la iornata seconda

Lo cunto de li cunti di Giambattista Basile

A cura di

Salvatore Argenziano e Gianna De Filippis

… Era na vota na femmena prena chiammata Pascadozia, la quale, affacciatose a na fenestra che sboccava a no giardino de n’orca, vedde no bello quatro de petrosino, de lo quale le venne tanto golio che se senteva ashievolire: tanto che, non potenno resistere, abistato quanno scette l’orca, ne cogliette na vrancata. Ma, tornata l’orca a la casa e volenno fare la sauza, s’addonaie ca ’nc’era menata la fauce e disse: «Me se pozza scatenare lo cuollo si ’nce ’matto sto maneco d’ancino e non ne lo faccio pentire, azzò se ’mpara ogne uno a magnare a lo tagliero suio e no scocchiariare pe le pigniate d’autre». Ma continovanno la povera prena a rescendere all’uorto, ’nce fu na matina ’mattuta da l’orca, la quale, tutta arraggiata e ’nfelata, le disse: «Aggiotence ’ncappata, latra mariola! e che ne paghe lo pesone de sto uorto, che viene co tanta poca descrezzione a zeppoliare l’erve meie? affé, ca non te mannarraggio a Romma pe penetenzia!» …

Salvatore Argenziano e Gianna De Filippis – Petrosinella – Trattenimento primmo de la iornata seconda – Lo cunto de li cunti di Giambattista Basile – vesuvioweb 2023