Lo Serpe – Trattenemiento quinto de la iornata secunna – Da Lo cunto de li cunti di Giambattista Basile

Lo Serpe – Trattenemiento quinto de la iornata secunna – Da Lo cunto de li cunti di Giambattista Basile

di

Salvatore Argenziano

E, crescenno de iuorno ’n iuorno, comme fu fatto granneciello disse a Cola
Matteo, lo foretano che teneva pe messere: “O tata, io me voglio ’nzorare”. “De
grazia”, disse Cola Matteo, “trovarrimmo n’autra serpe comm’a tene e farrimmo sta
lega de poteca”. “Che serpe?”, respose lo serpetiello, “eramo fatte tutte uno co le
vipere e li scorzune? ben se pare ca sì n’Antuono e fai d’ogne erva fascio! io voglio la
figlia de lo re e perzò vattenne a sta medesema pedata e cerca a lo re la figlia e dì ca
la vole no serpe”.
***Scorzune. Bisce. ***Sì n’Antuono. Sei un semplicione. ***A sta medesema
pedata. Subito.
Cola Matteo, che ieva a la bona né se ’ntenneva troppo de sti votta-varrile, iette
semprecemente a lo re e le facette la ’masciata decenno: “Masciatore non porta pena,
si no mazze quanto la rena. Ora, sacce ca serpe vole fìgliata pe mogliere; perzò vengo
comme ortolano a vedere si potesse fare no ’nsierto de no serpe co na palommella”.
***Votta-varrile. Scaricabarile. ***Fìgliata. Tua figlia.
Lo re, che canoscette a lo naso ch’era no vozzacchione, pe levaresillo da cuollo
disse: “Và, dì a sto serpe che si me farrà li frutte de sto parco tutte d’oro io le
darraggio figliama” e, fattose na gran risata, le dette lecienzia.
***Vozzacchione. Sempliciotto.
Ma, dato Cola Matteo la resposta a lo serpe, isso le disse: “Và crai matino e
aduna tutte l’ossa de frutte che truove pe la cetate e ne semmena lo parco, ca vedarrai
perne ’nfilate a lo iunco”.
***Craie matina. Domani mattina.***Perne. Perle.

Salvatore Argenziano – Lo Serpe – Trattenemiento quinto de la iornata secunna – vesuvioweb 2025