Lessico e Letteratura del Dialetto Napoletano – Da spingula a svummicato

Lessico e Letteratura del Dialetto Napoletano – Da spingula a svummicato

Di

Salvatore Argenziano e Gianna De Filippis

Spitàle: s. m. Ospedale.
*Basile. ed autro non avanza / che o n’aiuto de costa de stanfella, / o no trattenemiento de na rogna / o, pe no manco male, / tira na chiazza morta a no spetale.
*Cortese. «Cheste fanno na pésema rïale / Che te dura pe cchiù de miezo mese, / Né hai paura d’ire a lo ’spetale, / Ca spienne poco cchiù de no tornese;
*Sgruttendio. Tu ciento tommarielle haie ’ncoppa a ttene, / Io sopra porto tutto no ’spetale. / De spingole sì tu ’mpizzato e chino, / Io tengo ’n cuorpo sempre no spontone / Che mme percia lo core e lo stentino.
*Sgruttendio. Veccote no pezzente, a n’ ommo ricco / Le dice, saiettannolo co l’uocchie, / Ca s’ ha fatto li cuocchie / Perché è baggiano, e bòle ave’ lo cricco, / E non have pedale, / E a mmuro a mmuro sta co lo ’spetale;
*F. Russo. Ccà stammo tuttuquante int’ ’o spitale! / Tenimmo tutte ’a stessa malatia! / Simmo rummase tutte mmiezo ’e scale, / fora ’a lucanna d’ ’a Pezzentaria!
*M. Bianchi. A te po’ te l’aggio ditto chello ca t’aggia fa’!… A chill’avanzo ’e spitale d’ ’o cumpagno tuio ncè aggia penzà nu poco meglio: V’aggia distruggere… uommene inservibili!
*R. Galdieri. Ma chi vo’ bene e penza pure ’o mmale, / fa sempre chellulà c’aggiu fatt’ì! / Io so’ state se’ mise ’int’ ’o spitale… / facenno ’o pazzo… pe’ nu mme ne i’… / E so’ rimasto libbero, vestito / cu ’e panne mieie…
*Viviani. Quanno ô spitale arrivano, / ’a folla è trattenuta, / e chi sape ’a disgrazia / racconta comm’è gghiuta.

Salvatore Argenziano – Lessico e Letteratura del Dialetto Napoletano – S da Spingula a svummicato – vesuvioweb 2022