La CIUCCEIDE. La Reggia de li Ciucce Conzarvata. Di i Nicolò Lombardi Arragliata Prima
Di
Salvatore Argenziano
Pocca no nc’era chi le sconcecava, disturbava
O le venea a gguastà li fatte lloro
Tutte s’accarezzavano, e ss’ammava
Ll’uno co ll’auto. O bella aità de ll’oro! bella età
La gatta co li surece abburlava; giocava
Co le mmosche lo ragno; e cquanta foro
Pe la terra, pe ll’aria, e ddinto maro,
Parevano la vesta e ll’aurinaro. andavano d’accordo.
Ma quanno po, pe sconquassà lo Munno,
E pp’anchirlo de ttrivole, e dde guaje, riempirlo di pianti,
Se vedette sguiglià da lo Zeffunno sbocciare dall’Abisso
(Uh che ccomparza no nce fosse maje )
Chella Descordia, che dda capo a ffunno sottosopra
Mbrogliaie le ccarte e tte lo spestellaje, pestò,
Addio pace, addio ammore, addio contiente
No nce fuieno cchiù ammice, nè ppariente.