Lo Cerriglio ‘Ncantato – Poema Eroico – Canto Settemo
Lo Cerriglio ‘Ncantato – Poema Eroico – Canto Settemo
Di
Giulio Cesare Cortese
A cura di
Salvatore Argenziano e Gianna De Filippis
Tanno lo Re a essa addommannaie
De lo negozio, e comm’era passato; dell’accaduto,
Da ll’aco a ffi’ a lo filo ella contaie,
E Rienzo cchiù d’ogn’auto appe scusato.
E isso a perdonarele tornaie,
Ma non pe chesto non steva accorato,
Anze, co chesta nova ch’appe avuta,
Fu comm’è ’ncoppa a cuotto acqua volluta.
Po’ fuino iute, e a lo maro arrivate
E se ’mmarcaie ognuno lagremanno.
Appero priesto l’àncore tirate,
E a la fortuna ’mpotere se danno;
L’argiento muollo co li rimme sgrate remi sgraditi
Rompeno, ma non sanno addove vanno:
Vanno addove la sciorta e lo destino
O lontano le portano, o vicino.
8
E mente va Cerriglio e li compagne,
Con chella varca de male contiente, contentezza,
Aranno de lo maro le campagne
’Mpotere a la fortuna et a li viente,
Io torno a Sarchia, che da li carcagne
Chino de contentezza a ffi’ a li diente
Era co Cola e Iacovo pe ’ntrare
A lo campo de vino, e trïonfare.