Viola: Trattenemiento TERZO DE LA IORNATA SECUNNA – Da Lo cunto de li cunti di Giambattista Basile – A cura di Gianna De Filippis e Salvatore Argenziano

Inserito da: · Febbraio 10, 2024

Viola

Trattenemiento TERZO DE LA IORNATA SECUNNA

Da

Lo cunto de li cunti di Giambattista Basile

A cura di Gianna De Filippis e Salvatore Argenziano

 

Viola, ’midiata da le sore, dapo’ assai burle fatte e recevute da no prencepe, a
despietto loro le deventa mogliere.
***’Midiata. Invidiata.
Trasette drinto all’ossa pezzelle sto cunto a quante lo sentettero e
benedecevano mille vote lo prencepe c’avea pigliato la mesura de lo ieppone a le
sore de Nella e portaro lo nomme pe fi’ a le stelle de l’ammore sbisciolato de la
giovene, che seppe co tanta stiente meritare l’ammore de lo prencepe. Ma, fatto
signo da Tadeo che stessero tutte zitto, commannaie a Meneca che facesse la parte
soia, la quale de sta manera pagaie lo debeto: “È la ’midia no viento che shioshia co
tanta forza che fa cadere le pontelle de la grolia de l’uommene da bene e ietta pe
terra lo semmenato de le bone fortune. Ma spisso spisso, pe castico de lo cielo,
quanno sto viento se crede iettare de facce ’n terra na perzona, lo votta chiù priesto a
farelo arrivare ’nanze tiempo a la felicitate che l’aspetta, comme senterrite ne lo
cunto che voglio direve.
***Ossa pezzelle. Calcagno. ***Ieppone. Giubbone. ***Sbisciolato.
Svisceraato. ***’Midia. Invidia. ***Shioshia. Soffia.
Era na vota no buono ommo da bene chiammato Colaniello, lo quale aveva tre
figlie femmene: Rosa, Garofano e Viola; ma l’utema de cheste era tanto bella che
faceva sceruppe solutive de desiderio pe purgare li core d’ogne tormiento, pe la quale
cosa ne ieva cuotto e arzo Ciullone, figlio de lo re, che ogne vota che passava pe
’nante no vascio dove lavoravano ste tre sore, cacciatose la coppola deceva: “Bonnì,
bonnì, Viola”. E essa responneva: “Bonnì, figlio de lo re. Io saccio chiù de te”.
***Sceruppe solutive. Purganti.

Viola- Trattenemiento TERZO DE LA IORNATA SECUNNA – Da Lo cunto de li cunti di Giambattista Basile – A cura di Gianna De Filippis e Salvatore Argenziano -Vesuvioweb 2024

Questo articolo si trova in: ----- Giambattista Basile, 00 In Rilievo

Aggiungi un commento

viagra online italia comprare cialis originale