Dante – Inferno – Canto XXI – Cunto in dialetto napoletano

Inserito da: · Marzo 25, 2021

Dante – Inferno – Canto XXI – Cunto in dialetto napoletano

Di

Salvatore Argenziano

 

Tanno m’avutaie comme a cchillo ca se ntaleia Allora…. indugia
a vveré coccosa, mente ca fosse mmeglio rese na mossa e, p’ ’a paura tremmano ’e ccosce  correre via
e gguardanno e smicciano, priesto priesto s’alluntana, e sbirciando
e ttanno veriétti areto a nnuie nu riavulo niro
ca curreva ncopp’ ’o scuógliero, venenno addu nuie.
Marò, comm’era chillo, sarvatico mpresenzia! d’aspetto!
E assaie me pareva ca fosse ’e razza malacarne, feroce
ch’ ’e scelle sguarrate e lliesto ’e père. aperte…. veloce
Eva àveto e cchiantuto e ncuollo carriava tarchiato… portava
nu cristiano peccatore, ch’ ’e ccosce sguarrate, a cavalcioni
tramente ca l’acciaffava pe ll’ossa pezzelle. afferrava per le caviglie
Chillu riavulo ca steva ncoppa ’o ponte nuosto ricette:
“Malacianfa, tèccote a cchisto, Malebranche, prendi
nu cunzigliere ’e Santa Zita! …duomo della Santa di Lucca
Sprufunnàtelo dint’ ’a pece ca io nce vaco n’ata vota
a cchillu paese ca, comme a cchisto, ne tene a zzeffunno: a Lucca …a iosa:
So’ ttuttuquanti mprusaturi, imbroglioni
ma no Bonturo; ironia per un famoso barattiere;
addó p’ ’e sordi ogni -nnone- addeventa -sine-”.  no per sì.

 

Salvatore Argenziano – Dante – Inferno – Canto XXI – Cunto in dialetto napoletano – vesuvioweb 2021

Questo articolo si trova in: 00 In Rilievo, Dante in Napoletano

Discussione2 Comments

  1. Giovanni D'Amiano ha detto:

    Un’ ottima occasione per arricchire il lessico personale, e per capire il senso profondo di Dante.

  2. Pasquale Capone ha detto:

    E ntramente i’ ’uardo fisso,
    dice u masto: « Attiento, attiento! »,
    e me tira sott’ a isso.
    Senza ch i’ capisca niente
    m’ arreparo immantinente,
    e pp’ istinto ll’ uocchie i’ tendo
    al pericolo incombente:
    nu diavulo scelluto
    corre liesto pa sagliuta.
    Maramè, che faccia amara,
    che bbicipete, che pettorale!
    A ccavuoglio porta a uno,
    accianfato pî purpuni,
    e po allucca ’a copp’ ’u scoglio:
    « Cumpariè, currì currite!
    Chi ve porto, n ’u ssapite,
    autu viecchio ’i santa Zita?
    Sotto, ’u ccauro, m’ ’u tenite,
    a ssu rannato,
    ch’ i’ ne vaco a piglià n’ ato.
    Tanto a Lucca, û pe ddanaro
    dduie è paro e pare sparo
    ce ssace na miniera tutt’ intiera
    ’i barattieri,
    fatto scanzo u si’ Bonturo,
    ca in tal’ arte
    vanta ’a primmaggenitura ».
    E t’ ’u jetta ’a copp’ ’u muro.
    Po vutate i spalle torze
    torna areto ancorza ancorza
    cu na furia ’i canepierro
    ca, levato u mussaruolo,
    corre appriess’ û mariuolo. eccetera eccetera

Aggiungi un commento