Sgruttendio – La Tiorba a Taccone. A la bella tricchetraccàra, zoè che faceva e benneva tricche–tracche
Sgruttendio – La Tiorba a Taccone. A la bella tricchetraccàra, zoè che faceva e benneva tricche–tracche
01 – Corda Quarta
Di
Salvatore Argenziano
A la bella pedocchiosa
Io vidde Narda che se pettenava,
E ogne peducchio ch’a la capo aveva
Era quanto na perna, e straloceva: perla,
Isce bellezza, che t’affattorava! affascinava!
Co na dellecatura le pigliava,
E ’mmiezo a l’ogna po’ se le metteva: unghia
Ma non tanta peducchie essa accedeva uccideva
Quanta a sto core spùngole ’mpizzava. punteruoli
“Narda, o de st’arma fecato e premmone,
Si be’ ca me cuffìje e me ’mpapucchie, mi deridi
Siente, le disse, ca n’abburlo, none: non scherzo,
Io pagarria no mazzo de fenucchie
Puro che deventasse mo vracone, scimmione
E me manciasse tutte ssi peducchie” .